قائداعظم کی سالگرہ

آج قائدِ اعظم کی ایک سو تیسویں سالگرہ ہے ۔ اس حوالے سے ایک دھواں دار قسم کی تحریر لکھنے کا سوچا تھا ۔ مگر صبح سے بادل چھائے ہوئے تھے جن کی وجہ سے سورج کی روشنی دماغ تک رسائی حاصل نہیں کر سکی ۔ پھر بارش شروع ہو گئی اور ایک گھنٹے سے زائد تیز بارش ہوتی رہی ہے جن کی وجہ سے خِرد کے چراغ بجھ گئے ہیں ۔ اب بارش کے زور میں کچھ کمی واقع ہوئی ہے ۔ دعا کیجیے کہ صبح تک مطلع صاف ہو جائے تو کچھ “خیالِ یار“ ذہن میں‌ آئے ۔ ویسے قائدِ اعظم کو یار کہنا سوئے ادب جملہ ہے مگر کیا کیجیے کہ ایسے انسان دوست قائد کو یار کہنے کو دل کرتا ہے ۔